Gweddïwch

Byddem yn gwerthfawrogi eich gweddïau dros y gwaith o blannu a chryfhau eglwysi yng Nghymru.  Gallwch lawrlwytho copi o'r pwyntiau gweddi hyn ar gyfer eu defnyddio mewn gwasanaeth neu gyfarfod gweddi yn eich eglwys.

A wnewch chi weddïo yn gyffredinol:

• Am weithrediad a datblygiad effeithiol i’r tîm arweinyddol sydd yn cynrychioli amrediad gweinidogaethau efengylaidd, rhwydweithiau ac eglwysi yn Nghymru
• Ar i ni allu gweithredu ar geisiadau am gymorth i eglwysi lleol a ddaeth yn sgil ein cynadleddau
• David a Liz Ollerton a’r teulu wrth i David fynd trwy driniaeth cemotherapi yn ystod yr Hydref.  Bydd David yn derbyn y driniaeth rhag ofn, gan obeithio gweithio fel arfer a dal i deithio y rhan fwyaf o’r amser.

A wnewch chi weddïo yn benodol dros Eglwys y Porthladd, Pwllheli:

Heuwyd yr Eglwys yn hwyr yn Hydref 2008 gan Simon a Jaquie Rose a’u teulu gyda nifer fechan o ffrindiau o Eglwys Bentecostalaidd Caernarfon.  Ar ôl cyd-addoli am dri mis, gan weddïo ar i Dduw drigo ym mawl ei bobl, fe ddechreuodd y gynulleidfa ymestyn llaw i’r gymuned trwy peth gwaith stryd ac fe arweiniodd Duw nhw at bobl penodol.

Fe dyfodd yr eglwys i tua pymtheg o bobl.  Cryfhaodd cynhaliaeth o ffrindiau agos ac fe ddechreuodd “tîm” arweinyddol i ddatblygu a oedd yn cynnwys Simon, Jaquie a Sian Rees, un o’r arweinwyr o Eglwys Bentecostalaidd Caernarfon.  Fel arfer yn awr mae tua 25 yn mynychu ar gyfartaledd gyda mwy na 40 ar rai achlysuron arbennig.

Diolchwch:

• Mae pâr ifanc yn awr yn rhedeg cwrs Alffa ac wedi ffurfio grwp addoli
• Mae bywydau yn cael eu newid trwy i bobl yn ymroi eu hunain i Dduw
• Fe gafodd llanc (14) brofiad gyda Duw wedi bedyddiad ei fam… fe ddaeth i nabod Duw ei hun yn ystod y nos
• Tair wythnos yn gynharach cafodd menyw hŷn droedigaeth! Moliant i Dduw.

Gweddïwch:

• Y bydd perthnasau gydag eglwysi eraill (sydd yn strategol ar gyfer cyd-gynhaliaeth a thyfiant y Deyrnas) yn parhau i gael eu cryfhau
• Y bydd mwy o bobl yn cael eu hachub
• Presenoldeb Iesu y gellir ei synhwyro yn y cyrddau
• Y bydd y bobl sydd i fod gyda ni yn dod
• Am safle arall i gwrdd.

Diolch ichi am weddïo!