Hyfforddiant

Ysgol DAWN - Datblygu Arweinwyr i Weinidogaethau Newydd

Cwrs rhyngenwadol er mwyn hyfforddi arweinwyr a gweithwyr Cristnogol ar gyfer yr eglwysi Cymraeg.  Mae'r cwrs, a leolir yn Llansannan, Conwy, o dan arweiniad Parch. Meirion Morris BD, yn cynnwys elfen o leoli'r rhai a gaiff eu hyfforddi gydag arweinwyr eglwysi trwy Gymru.  Gan ddechrau ym mis Medi, mae'r cwrs yn un llawn amser yn para am flwyddyn gyfan, ond gellir cymryd elfennau o'r cwrs ar wahân.  Gellir ymgymryd â'r cwrs yn rhan amser neu trwy gyfrwng dysgu pell.  Bydd y pwyslais ar hyfforddiant ymarferol ynghanol y gwaith ac fe gaiff hwn ei gefnogi gan ddysgu academaidd.  Gallwch ddarllen am y weledigaeth ar gyfer y cwrs yn y fan yma. Am fwy o wybodaeth am y cwrs ac am fanylion am sut i wneud cais, cysylltwch â This e-mail address is being protected from spambots. You need JavaScript enabled to view it .

Cynghrair Efengylaidd Cymru

Mae CE Cymru yn trefnu digwyddiadau a rhwydweithio er mwyn galluogi, arfogi, hyfforddi a mentora cenhedlaeth newydd o arweinyddion yng Nghymru.  Ceir gwybodaeth am hyn ar dudalen 'New Generation Leaders' o'u gwefan.

Mudiad Efengylaidd Cymru

Mae MEC yn cynnig cwrs hyfforddi diwinyddol sydd wedi ei gynllunio ar gyfer cynorthwyo dyn i ddatblygu'r doniau a roddodd Duw iddo er mwyn iddo fod yn gyhoeddwr ac athro effeithiol o Air Duw; yn fugail ar bobl Dduw ac yn abl hefyd i hyrwyddo'r efengyl ym myd Duw.  Ceir manylion ar y dudalen 'Theological Training' ar eu gwefan Saesneg a manylion am y cwrs hyfforddiant Diwinyddol Cymraeg sydd yn agored i bawb ar eu tudalen Hyfforddiant Diwinyddol Cymraeg ar eu gwefan Cymraeg.

New Breed

Mudiad newydd ar gyfer plannu eglwysi yw New Breed ar gyfer y rheini sydd yn barod i roi popeth er gwaetha’r anawsterau i weld efengyl Iesu Grist yn bwrw gwreiddiau yng nghenedl y Cymry unwaith eto.  Mae cariad at ogoniant Duw a thrugaredd dros y rhai sy’n golledig yn ein gorfodi, ac nid yw eglwysi New Breed yn ofni mentro a thorri mas o’r mowld traddodiadol wrth ddilyn gweledigaeth i blannu eglwysi modern yng Nghymru sydd yn Feiblaidd, Cenhadol a Radical.  Gwelwch blog New Breed am wybodaeth.

Canolfan Hyfforddi ‘Kingdom First’, Ystradgynlais

Mae CHKF yn bodoli er mwyn hyfforddi dynion a merched ifanc ym maes Plannu Eglwysi, Efengylu, Gwaith Cenhadol a Tîm Apostolaidd.  Nid ysgol Feiblaidd yw fel y cyfryw, ond man lle gellir sylweddoli a dysgu’r egwyddorion a’r ffyrdd o weithio sydd yn gysylltiedig â’r gweinidogaethau hyn yn benodol.  Meddylfryd y deyrnas sydd gan CHKF.  Nid yw’n hyrwyddo un enwad, ond mae pwyslais Pentecostalaidd/garismataidd yno.

Am ragor o wybodaeth ac ymholiadau am brisiau cyrsiau etc. cysylltwch â:
Canolfan Hyfforddi Kingdom First
Uned 19, Parc Menter Ynyscedwyn
Ystradgynlais
Abertawe  SA9 1DT
Ffôn:  01639 845200

Angen Eglwys Genhadol yw Arweinyddiaeth Genhadol

Cwrs hyfforddi ymarferol a fydd yn eich cynorthwyo i ddarganfod ffyrdd o fod yn eglwys yn yr 21G.  Gall fyfyrwyr ddewis dilyn opsiynau wedi eu achredu (MA) neu heb eu hachredu.
Darperir y cwrs gan Going Public Training mewn partneriaeth â Together in Mission.

“Mae hon yn fenter amserol yn wyneb yr angen amlwg a’r diddordeb gwirioneddol mewn plannu eglwysi trwy Gymru” (Elfed Godding, Ysg Cyff CE Cymru).

Am ragor o wyodaeth am amseroedd, prisiau a lleoliadau etc. cysylltwch â:
Canolfan Eglwys Glenwood
Circle Way West
Caerdydd  CF23 6UW
Ffôn:  02920 337880
Ebost: This e-mail address is being protected from spambots. You need JavaScript enabled to view it